2022東京8日之旅(DAY:8)

今日都落雨及凍, 準時11:00前CHECKOUT但將行李放低酒店, 因為我地諗住去食野及行街, 但亞女話唔想跟我約定12:00在SHOPPING MALL等, 佢話又去食拉麵, 我就去左另外一間HARBS食SET LUNCH, 因為佢D CAKE幾出名, 所以自己去食, 我又去左一間叫GENTEN 𧵗左一個手袋及一個長銀包.之後再去左買左個最新款的Anges B 綠色袋, 之後再約亞女2:00前在酒店門口等, 因為我地搭下午1755機, 故此需要搭SKYLINER(早前已買來回票), 故此我在酒店等亞女才拖行李去, 個行李箱好重又落雨, 真係好吃力, 有點後悔買太多物品. 之後幾經辛苦才去到上野駅換票及入閘, 然後不用45分鍾就到機場, 然後CHECK IN, 但機場員工要我地一個袋GROUP一齊, 所以亞女個手袋入去一個袋, 但佢就發晒脾氣, 所以我就自己去步行上機, 我個心都唔多開心, 一人拿二個行李箱好Q辛苦, 下次一定要忍手唔可以拿, 要量力而為. 最後好彩順利上機, 坐左5個小時返到機場大約10:00, 然後搭機場巴士返荃灣, 之後打電話叫亞仔幫拖在OK等我地幫忙取行李. 之後回家亞又趕住出去, 因為佢男朋友今日生日, 而我就落街香港仔魚蛋買野食, 因為下午食完, 晚上沒有吃飛機餐(廉航), 所以到現在就好肚餓. 晚上成1:00左右才睡, 明天不用返工了, 希望可以睡晏些.