中山回港了

今早都睡到十時左右, 而詠恩同雄哥去整腳, 故此我整麵及開COFFEE我同爸爸一齊吃. 之後大家傾計(傾家事),大約12:00四姨到詠恩家一齊步行去飲茶(等詠恩及雄哥自己搽車到), 大約1:10二位到, 我們邊食邊等, 大約2:00離開. 之後大約2:40分開始步行CALL的士, 天氣又凍又落雨, CALL車但沒有車, 故此我們走出大街, 終於有車去到碼頭大約15:20 , 我們等左大約半小時左右上船.今次架船又新又大, 準時5:30到尖沙咀. 由於我們吃得飯, 最後沒有去吃野各自回家. 爸爸搭巴士我搭西鐵, 大約6:30回家, 仔仔6:55分回家, 我對好仔功課及洗澡, 大約11:30睡, 明天又開工了.

中山第2天

早上睡到十時先起床(但起床二次去洗手間), 之後想去洗頭二次都好多人要等, 故此又沒有去. 大約12:00準時去到我同爸爸都LIKE 食魚的打邊爐(詠恩要去蠔頭拜山沒有去), 亞係姑丈請食飯, 好美味, 老公沒有前來真有點兒遺憾. 之後沒有出外行, 只是在大屋, 晚上去伯娘蠔頭度吃飯, 之後去詠恩家, 又有人打麻雀, 但今晚爸爸沒有打(因輸左成3XX元左右呢).今晚都睡得好好, 因為都有開冷氣。

返中山掃墓

今天未夠7:30起床, 之後我同爸爸揾位食早餐, 之後MOTHER就到, 然後我地搭8:40分車, 去到尖沙咀大約9:10分, 我們去洗手間入境等都等左大約25分鍾才上船, 準時11:30左右到, 亞洵接我們去吃飯地方, 然後再去拜山, 今天好熱, 我就同正傑老婆落下面休息一陣, 之後大約4:40返去豪叔家, 因為爸爸又同其他三位開枱, 故此話不如在豪叔家睡.晚上去星光吃晚飯(午飯在隔離唔好食), 今晚好味好多. 而今晚我同爸爸在豪叔家睡, 因為有一張床比爸爸睡, 一張就我同亞洵個女睡, 睡得很好, 因為有開冷氣.

清邁第五天

早上及去玻璃白廟(龍昆寺), 個白廟真係好美, 有陽光照射真係不錯, 之後去埋買手信及去CENTRAL百貨行街及吃飯, 大約3:00搭車去機場, 機場就好近, 之後準時起飛, 大約10:20左右到機場, 但等行李比較耐, 大約12:00左右回家, 明天又要返工.

第五天

清萊─清邁─園藝博覽會欣賞各花卉盛放(適用於11月至2月期間出發)(註1)─3D視覺美術館─Central百貨公司/香港 

清邁第四天

今早都係要早起, 比起馬來西亞, MALAYSIA真係HEA D, 好彩無同爸爸去清邁. 早上我們一早去自費的泰緬邊界～泰、緬、寮、金三角 (遊覽著名大金佛，包乘船眺望欣賞金三角湄公河沿岸景色#及到訪老撾邊境#)─, 之後去埋鴉片博物館 (好細間), 然後最後去皇太后夏日行宮及在公園拍了不少靚景. 晚上就吃晚飯，今晚又要執定行李, 因為明天返港了.



第四天

清萊─皇太后夏日行宮*─皇太后御花園(包入場)─泰緬邊界～泰、緬、寮、金三角 (遊覽著名大金佛，包乘船眺望欣賞金三角湄公河沿岸景色#及到訪老撾邊境#)─鴉片博物館 
住:Wiang Inn 

清邁第三天

今天如常都要早起, 早上素貼山─雙龍寺(包登山纜車), 但回程我們行樓梯因為想看看風景.我們去左,之後去手工藝中心及泰北蜂蜜研究中心─泰北 溫泉區(特別安排每位品嚐一隻溫泉蛋)─足浴─最後下午坐三個小時車去清萊, 晚上間酒店又好近夜市, 但夜市唔太同昨天的清邁夜市, 各有不同.

第三天

清邁─清萊─手工藝中心(參觀及選購著名泰絲、銀器等)─泰北蜂蜜研究中心─泰北 溫泉區(特別安排每位品嚐一隻溫泉蛋)─足浴─玻璃白廟(龍昆寺)#─神秘長頸族生活─九重塔觀音寺 

住:Wiang Inn 

清邁第二天

今天都好早起床7:00 morning Call, 8:30離開 , 第一站去長頸族, 原來得幾個有老中青, 但好簡陋, 之後去睇大象及MONKEY表演, 蘭花蝴蝶園, 然後去3D視覺美術館, 但時間好迫但真係好多野拍到, 傍晚去九重塔觀音寺 .日夜變化很大, 很美.晚上就去吃康篤皇帝宴, 有埋民族歌舞表演, 之後就安排左去按摩, 老公去古法按摩我就去推油, 不過感覺好好, 好過北上按摩.就又行夜市, 今晚買左二個袋比亞女, 我就自己一個, 都有講價. 然後我地去街邊各人買左炒金邊粉吃, 好美味.




第二天:清邁─大象訓練營(包入場，觀賞大象精彩表演、猴子學校)─蘭花蝴蝶園(註1)─ 素貼山─雙龍寺(包登山纜車#)─康篤皇帝宴(欣賞民族歌舞表演) 住:Suriwongse

往清邁出發

今天就去同爸爸及一家三口吃早餐,之後大約11:20離開搭機場車, 但剛走左一架要等20分鍾, 今天明顯凍左, 但我同老公只著棉背心及風褸, 希望天氣無咁凍, 今團領隊是後生男士,個團只有26人, 其中有個大家庭9人組. 第一天搭下午3:20分機, 去到THAILAND都已經晚上, 吃過晚飯後返酒店, 酒店好近夜市, 故此都行街街, 我找到我用開的ABS-IMS, 買左三支精油及二盒洗面朁, 都不用300元港幣. 真抵, 大約11:00返酒店.

第一天

香港✈(直航)清邁─清邁夜市 住:Suriwongse

陪爸爸去旅行-馬來西亞之旅第五天

今天是最後一天, 我地去左獨立廣場及看皇宮, 中午就行OUTLET, 但都沒有收穫, 之後下午唔包食, 我地去左吃日本定食, 之後就去機場, CHECK行李過關時, 爸爸就又話唔見左本PASSBOOK, 哎, 好真係忘記左好多野又老左, 佢成日講唔知去得幾耐. 今次係我請他(他有比1000元導友費)及唱左少少錢. 講真, 我都無乜比錢佢駛及比家用, 因為上個月佢同細佬因為周氏事件唔開心, 而我又因工作又唔開心, 故此就一齊去散心囉.晚上大約10:30才落機拿行李等, 各自搭車走, 大約12:00回家呢.明早又要同仔返去打波.


吉隆坡─朱古力工坊─三井Outlet Park(集合了多個海外高級品牌、潮流服飾、童裝、休閒服裝、運動服裝，以及潮流生活雜貨等等)─吉隆坡✈香港
            早餐：酒店內；

• 午餐：自理；
• 晚餐：航機上；
• 住宿：安抵香港；

陪爸爸去旅行-馬來西亞之旅第四天

今天天氣好, 好多陽光, 真適合出島了. 今日個個團友都好開心, 我們到島拍一張大合照, 大家都好RELAX. 而爸爸都好LIKE這天活動, 因為可以去睇漁排/睇老鷹及睇海豚, 三樣野都見到, 感覺好似去左大澳咁款. 下午吃海鮮餐, 晚上就吃肉骨茶, 但並不是咁好食(我上次去好味好多)晚上返酒店再掃貨及行百貨公司呢.
吉隆坡─巴生港碼頭(乘坐快艇)─吉膽島─【欣賞漁港最佳位置】頭條港彩虹橋─品嚐島上傳統糕點下午茶─大街市集─傳統南洋漁村水上高腳屋─福龍宮─海上環島遊(餵飼老鷹、參觀水上海鮮養殖場、紅樹林、*追蹤海豚、*季候鳥白鷺)─【肉骨茶發源地】巴生港

*海豚與季候鳥白鴛乃野生動物，本社並不保證能否遇見，敬請注意。

• 早餐：酒店內；
• 午餐：漁村地道風味海鮮餐 ；
• 晚餐：正宗傳統巴生肉骨茶；
• 其它餐：福龍宮：是島上一間香火鼎盛的神廟，每年的農曆四月廿八是福龍宮慶神誕的好時辰。；
• 住宿：Aloft 

陪爸爸去旅行-馬來西亞之旅第三天

今天是第三天, 但天氣好陰, 應該會落雨啦. 講真, 我去MALAYSIA之前多數落雨是在傍晚時分, 但現在天氣反常, 所以都無法子. 首先去左吉隆坡故事館, 都有映相位, 有個團友單獨跟團我就同佢拍照, 佢又同我拍照LOR. 然後去南洋土特產專門店買手信及乳膠專門店, 之後就再去蘇丹阿都沙末大廈(大鐘樓)─咖啡專門店─茨廠街─Lost In Chinatown(唐人街百年歷史資料館)(包入場), 晚上又轉左酒店, 樓下有SHOPPING CENTRE, 我地去SUPERMARKET掃貨, 而今晚餐飯都不錯, 今晚又可以RELAX一下, 因為用執行李.
馬六甲─吉隆坡─南洋土特產專門店─乳膠專門店─國家皇宮(外觀拍照)─吉隆坡故事館─獨立廣場─蘇丹阿都沙末大廈(大鐘樓)─咖啡專門店─茨廠街─Lost In Chinatown(唐人街百年歷史資料館)(包入場)
 

• 早餐：酒店內；
• 午餐：順德料理(海鮮火焰鍋) ；
• 晚餐：囉喏(Rojak)香酥雞；
• 住宿：Aloft

陪爸爸去旅行-馬來西亞之旅第二天

今天七時MORNING CALL, 九時出發, 我地今日去新景點Sky Tower玻璃走廊及懸空伸展台」及The Shore Oceanarium水族館, 個SKY TOWER只有少部分係全玻璃, 我同爸爸拍照留念買左一張相(大約港幣$90), 係貴但值得. 之後就再去好細的水族館, 然後後後SHOPPING MAIL又去吃飯，今晚間酒店細左D, 但都OK啦. 而爸爸不知是否昨日冷氣太大, 今日開始傷風, 要比黃丸仔他吃.

 

狄臣港─馬六甲─【世界文化遺產】馬六甲古城─荷蘭紅屋廣場─聖保羅教堂─聖芳濟石像─葡萄牙城堡─*Sky Tower玻璃走廊及懸空伸展台(包入場)─*海洋水族館The Shore Oceanarium─Jonker Street(雞場街)細味兩旁百年歷史的古民房建築

 *如遇「Sky Tower玻璃走廊及懸空伸展台」維修或休息，將改為前往馬六甲「3D立體視覺藝術館」，敬請留意。 *如遇「海洋水族館 The Shore Oceanarium」維修或休息，將改為前往吉隆坡「Aquaria KLCC海洋水族館」，敬請留意。

#Estadia酒店為娘惹精品酒店。

• 早餐：酒店內；
• 午餐：海南雞飯 ；
• 晚餐：娘惹餐  
• 住宿：Estadia HOTEL

陪爸爸去旅行-馬來西亞之旅第一天

今天一早要起床, 因為集合時間為0605 , 我地早左成40分鍾到巴士站頭, 因為驚MISS左班車, 但車程大約半小時就到, 時間剛剛好, 都有好多團友到左. 見到個吳小姐(肥妹仔)做導友, 話有成39人. 之後我就同爸爸吃早餐, 然後就再去取機票及入閘. 之後就行行企企食幾味就上機. 但上機沒有睡, 大約3個半小時到. 之後在車上同導遊唱左$2000港紙(馬幣就$1000)然後開始第一天行程, 今晚住高腳屋, 每間房都有獨立游池, 上次我地住沒有. 我地去左景點及食野, 大約4:00就返到酒店SWIMMING(大池及獨立池都有游)晚上6:00吃完飯買左個杯麵晚上當宵夜吃. 間酒店好掂.
 香港✈吉隆坡─狄臣港─自由享受酒店各項設施

早餐：航機上 ；

• 午餐：自理；
• 晚餐：地道南洋風味；
• 住宿：保證入住：Grand Lexis Port Dickson水中高腳屋～每屋擁有私人泳池 www.lexis.my/home

台中及台北總動員八天之旅-第八天

昨晚細佬買左一盒文東芒及二個水蜜桃吃(比左一個我地), 今早吃真係好好食, 又甜又多水. 之後就11:00去到嚮食天堂, 但開11:30, 而細佬等人又返酒店CHECKOUT才回來, 咁我們吃住先, 大約11:55分他們三個到左吃, 大約吃到1:30走, 收到電郵話我地班機取消, 故此我地找一些人去酒店打電話去航空公司問, 我們就步行返酒店. 之後好彩細佬二夫婦打去話可能要分二批人走, 我們一家四口走先)8:30). 之後六人才走第二批(9:30), 故此細佬CALL車早些到機場, 去到機場大約3:30, 之後去COUNTER問可以十人一齊搭8:00機, 我地梗係開心啦, 全人去全人返香港. 之後我地買左飽比大家吃, 然後等左40分鍾先起飛, 但在陸地就橫風橫雨, 成架機震震地, 但心都有些不安, 我左邊門窗位有個男人祈禱祈左起碼五次添. 好彩起飛後都好定不會有好多氣流. 大約10:00回港之後各自搭巴士, 大約11:00回到家中, 同仔洗澡後我地再休息, 明天有一天休息(老公), 我就還有一星期休息, 哈哈!

台中及台北總動員八天之旅-第七天

今天天氣開始唔好, 因為有風吹去台東, 但台北都可能影響, 早上我們11:30全部搭的士去上引水產吃日本菜, 因為佢地未去過(除了我及細佬一家外), 然後各自去玩, 我地一家去101, 老公話幫仔找玩具, 我同女就去糖村買糖吃, 之後我們各自搭捷運, 比左錢老公同仔行, 我就同女返台北車站返酒店, 我們去左台北車站買埋太陽餅及行左誠品就步行返酒店, 途中買左二件三文返去比MOTHER及一件比朗庭食, 之後少睡一會兒我們又搭車去吃燒肉晚餐, 細佬話抵食, 臨走好大面, 同左三老搭的士我們就去夾公仔, 因為平香港好多10台幣一次(2.5一次), 亞仔夾到三個公仔, 之後我同女走去行街街, 但我又唔識行, 要11:30才回家.亞女係唔數我話我唔搭的士返酒店.

台中及台北總動員八天之旅-第六天

今天一早去吃早餐, 之後就步行去台北車站, MOTHER就話自己落去吃東西. 我們JOIN左濤寶一天大約人民幣每人大約110元(因為時間太趕, 二個小朋友要當大人). 第一站去野柳, 因為全部都未去過, 故此我們一家四口願意等排女皇頭相, 真係排左20分鍾, 但都值得, 但真係好熱LOR, 晒到紅晒及濕晒. 第二站就去九份順便吃埋午餐,但細佬唔見左PRIS要找他等左成十分鍾才得, 而導遊不斷問我們點樣可以找到細佬, 大佬啊,我沒有WIFI找不到他, 有些團友都有些微言, 但細佬氣沖沖上車全部人安靜晒, 之後到去十分, 好近放天燈地方, 但四人一個天燈(我們五人一個), 無所謂啦, 之後工作人員拍照, 我就拍MOVIE. 之後又上車, 最後就去DIY鳳梨酥, 但不是格, 叫手信坊, 之後就買左D東西作手信, 又有得DIY又有得試食, 然後大約6:36分才到新光三越, 我就合共四人去無老鍋取位先(因為訂左十人), 好彩沒有取消. 之後老公及細佬JOIN MOTHER再來. 今餐唔平但好好味, 因為聽CHRISTY話好味道, 又見好多人話好食, 故此試試. 然後再搭的士返酒店休息, 今天真係好熱又疲累, 但玩得開心(只有MOTHER悶些, 因為留在酒店).

台中及台北總動員八天之旅-第五天

今天早上就去台中公園附近行行, 想去慱物館但11:00開(我們10:00到), 故此只是拍照, 而細佬想訂明後天明天去一遊, 但電腦訂唔到, 最後PRIS打電話去公司了解, 話可以在711入錢便何. 之後我地去埋另一個彩繪拍照, 但女女同我吵架她就唔拍照, 攪到只有我同老公拍照(亞仔同表弟一齊拍), 然後就同司機講再見(只包半天), 因為下午我們買左左2:00高鐵車由台中去台北. 只是一小時便到, 之後步行由台北車站到酒店, 但媽媽就行到媽媽聲, 佢就成日都想有架車在她附近, 我地都講我們會行, 先前想留底她在香港, 佢又話得佢一個自生自滅, 所以唔想留底佢, 但佢又好多怨言.在途中買左五個胡潊餅及去吃餃子當午飯, 之後去左M HOTEL, 今次住三晚台北, 但就少左間房因為BOOK唔到LOR. 我們就早D休息, 因為明早又要8:50分在台北車站等, 因為我們九人JOIN左去一天遊, 媽媽留在酒店.

台中及台北總動員八天之旅-第四天

今天我們去左汽球博物館，參觀怎樣做汔球及看MOVIE, 最後DIY做汔球等, 下午就去亞水獅豬腳麵吃午餐, 之後就國立自然科學博物館.但因為要有收費, 我們就去免費的看活動, 停留一小時, 之後我同PRIS因為行程方面又吵架, 佢話我個行程不是順路, 司機唔會走來走去, 而我就話我整左咁多行程又沒有CHECK到GOOGLE, 故此就吵起上來. 但我只是唔開心一陣, 唔想影響大局. 是因為想大家開心, 最後去左彩繪拍照, 好靚, 打卡地點. 然後PRIS SEARCH到我原本話整DIY雪條的地方就在附近. 故此又整埋雪條-小惡魔雪莉貝爾DIY冰棒.蛋糕. 唔太貴又玩得開心.之後去埋宮原吃雪榚及去埋21號倉庫拍照就JOIN埋三老啦.同媽媽及女行左夜市買左東西比媽媽, 我同女自己二個先行夜市呢!, 我買左一件衫, 而亞女三件, 並且再掃護皮膚用品.

台中及台北總動員八天之旅-第三天

今天吃民宿早餐, 個餐廳出面個照好正, 昨晚同民宿男主人傾計話佢本身是設計事, 他媽媽有這塊地給他, 經過三年時間造好, 佢好用心做好這個民宿, 得14間房二層樓都有電梯, 好落及好用心, 值得推介比朋友住. 之後我們第一站去左薰衣草森林, 好靚拍照好地方、之後就去DIY 芋頭酥去，下午去吃司機介紹的水餃, 又平又好味道, 之後去高美睇日落，雖然沒有等到真係好靚的日落(因為唔想三老等太久, 因為他們沒有落濕地行),.晚上吃晚飯後就同老公行夜遇視察環境呢, 因為打算明天同老人家go!今天真盡興！

台中及台北總動員八天之旅-第二天

昨晚特登唔關窗廉,今早真的會醒, 見到個好美的日出畫面, 我興奮話見到日出, 但成家人都睡, 老公就有望左望就又睡. 之後拍照留念再睡過, 吃過民宿的早餐, 好好味道. 我們便離開牧羊人山莊民宿(細佬選擇)之後出發去清境農場, 這個是我們去台中的目的, 看看羊SHOW及餵羊. 今天天氣好熱, 成37度, 但我們情願有陽光, 最怕打風. 而香港今天就開始晚上八號風球呢. 我地真好彩. 個D羊好得意, 之後比二個男仔去騎馬及看SHOW. 雖然有得坐但好熱. 而我媽好野, D山路又高又低佢行好辛苦. 所以都好多怨氣. 我地玩左大約3小時便走, 之後吃尋龍魚, 好美味但等得耐些(司機介紹)之後就去整木制DIY音樂盒, 所需時間都長, 又沒有冷氣只有風扇, 但難得老中青都可以一齊DIY, 正啦.又可以拿回香港添.然後路經日月澤, 買左D茶葉比爸爸, 亞女吃左茶葉蛋及媽媽買左D生果, 然後去第二天我選擇的民宿(愛黏在一起 設計師民宿), 外觀好靚, 內裏又大又靚(不同風格的房間), 昨天我們選擇有日出的房間, 今晚比朗庭選擇呢. 之後大家吃生果, 很正, 我同細佬都好滿意, 晚上拍外在夜景, 正, 好舒服!