2025 Taiwan solo trip - Day 5

今早大約7:00起身行去永和買早餐食-豆漿、油條及燈餅，食埋香蕉及冬甩好飽啊！然後大約8:30離開check out 再步行去西門6號入口轉車去台北車站搭直通車去桃園機場！好順利到機場去左飲咗杯咖啡，遲左半小時飛，大約2:30到香港，搭機場巴士，回家洗衫，分食物，明天handover 2日 !

2025 Taiwan solo trip - Day 4

今日又係瞓到自然醒，之後就去搵附近有冇食早餐嘅好地方，然後我見到一個有4.3 *嘅louCafe原來就係喺我酒店嗰一條馬路就到非常方便，入到去叫咗個三文治同埋咖啡坐隔籬嘅就係香港人，傾開話我昨天晚上收到航空公司講由於香港10號風球所以我今日嘅航班取消左，而佢哋係夜機故此可以飛番香港。之後佢哋問我自己一個去旅游，我話係佢話我好叻！然後10:30 check out 搭捷運去西門町，但我個行李篋個轆爆開咗啲膠所以冇咁順，加上又有少少微雨都有啲狼狽！好彩都順利搵到人問梗係要問人點樣去啦！今次我book嗰間西門町酒店叫做德立莊，但係唔係我心目中嗰間德立莊，應該叫鯨魚酒店因為酒店外牆係一大條鯨魚，我見到日本阿貝有住過話OK，好有工業風加上個價錢$300左右，所以我就訂左佢！原本我諗住訂台北車站另外一間但係full左！3:00先有得check-in,所以我放低行李就行去西門町食楊桃冰、買文具，（類似莎翁）好味又吾貴，然後去掃護膚品等，諗住去YouTuber介紹嗰間梁山泊小籠包，點知去到又話賣晒,佢話5:00過後開先再去睇！今日多咗一日行程，所以決定去迪化街同埋大塪程！廸化街又問個2x女仔點去而佢又帶我點行，之後又比我找到個大塪程遊客中心（有youtuber介紹好多打卡位），在2樓有二個場景，分別是「客安中藥行」和「春生喫茶店」。有不少人在此拍照！來到三樓，進到「永樂燈苑」，馬上被這「燈籠天花板」所震驚，各種大大小小的、不同樣飾的燈籠，將房間內的燈光照得紅咚咚的，當然，不只是天花板上吊著燈籠，在地上、角落也放著不少燈籠，又是一個好拍的地方。最後來到「稻江公學校」，看到課桌椅，感覺好懷念，小時候也用過同款式的桌椅，現在的小學似乎已看不到了。之後慢慢步行去大稻埕碼頭貨櫃市集，但天氣麻麻今晚睇吾到日落🌅，有點掃興，之後諗住搭車去梁山泊品嚐小籠包都係買晒，緣慳一面！唯有下次先食啦，之後就返酒店洗澡，然後再去酒店附近間「筋武門」按腳1小時按完之後舒服晒，明早要九點幾就去到機場，所以明天應該要七點前起身啦！

2025 Taiwan solo trip - Day 3

今日都去食早餐，食完之後我就搭車去赤峰街，但今日個天氣一直落雨關係，好多店都未開，所以我就覺得有啲失望，但係我見到一間Queenshop就係嗰時同阿女一齊去台北旅行入去買衫，所以今次我都入去睇睇中咗兩件T恤就買咗啦，然後去捷運附近嘅shopping Mall啊行吓都幾多嘢行，之後慢慢摸就再搭車去土城區比較偏僻嘅地方！因為我又book咗今日去同水豚君體驗時間早咗去咗附近一個商場入邊有好多恐龍嘅擺設，都有啲時間去打卡，之後準時3:00就入去一間水豚君嘅餐廳叫做水豚騎士入邊都係可以嗌嘢食同埋兩隻水豚君玩，但係原來食嘢還食嘢嘅價錢再要比$175入場費，所以我覺得佢食水深！因為水豚君只有40分鐘，但係前兩日我去嗰間肉球森林有兩個鐘，所以我覺得冇咁抵玩，不過個水豚君係好可愛嘅！員工安排咗時間之後就叫我去同水豚君1000玩，同埋俾咗一杯草俾我餵，我叫嗰位男嘅職員幫我拍照同埋影相！水豚君只係顧住食同埋發出聲音而啲毛眼硬地，但係個樣蠢蠢地都好可愛，但係今日整日個天氣都係落雨好彩我影水豚君嗰時啱啱冇雨咋！然後我再搭車去萬華區即係西門町去咗程美珍嗰度食晚餐，要咗一個迷你滷肉飯叫、滷水雞翼鵝片同埋一個貢丸湯超飽，食唔晒要打包返去酒店！食飽咗行多一陣經過西門町嘅Pop Mart又入去睇嘢兼打卡之後再返酒店大約10:30先話明天航機取消，但安排星期一中午12:00機，故此訂酒店但我住開這間明天沒有位，最後決定住西門町，然後再浸浴了！

2025 Taiwan solo trip - Day 2

今日瞓到自然醒，然後去酒店行去火車站附近有間叫上島咖啡店我喺日本都食過啦，買三文治同埋咖啡，食完再去多一次大安區又係經過嗰間雪糕店我俾佢出邊嘅外牆吸引住一於影相然後再去一間天津沖抓餅買咗個綜合嚟食，然後我再行去白水豆花食個冰涼嘅豆腐花真係好好食呀，再經過永康公園見到啲人好寫意喔，點解今日又去大安區？因為我昨天book 11:30去肉球森林間及Cafe入邊有大嘴鳥、貓同埋狐獴，有兩個小時嘅時間可以一到食嘢一路玩又可以體驗到狐獴直接睡覺，真係好得意！之後去中正區，因為去做文化人-去華山文創行吓有好多嘢買包括有Miffy（買左個袋送比vicky)玩咗個$300超大型扭蛋機抽到個$300水杯，三麗鷗男團/鬼滅之刃/呆萌町果汁吧/水豚君.......好多打卡位，但哆啦A夢&FRIENDS巡迴特展要比錢沒有入去，只在出面打叮噹免費卡就走，然後再搭車去南港lalaport,入面有哈利波特展有好多嘢睇，但我就沒有買佢嘅貨品，行到好攰，最後去咗食林聰明砂鍋魚頭套餐，之後坐我對面個男人我同佢傾偈佢講佢係喺美國做嘢，而家嚟到台灣係探父母！我同佢又普通話及英語，傾咗起碼有50分鐘最後我太攰就同佢講Bye Bye就搭車返返去酒店再浸浴！solo trip 一個體驗就係自己一個要有膽量，包括係住酒店同埋同陌生人傾偈，但係都係一個好好嘅回憶！

2025 Taiwan solo trip - Day 1

由於我要調去新崗位，所以好急咁樣部署今次嘅台灣獨遊-今日5:30起身之後搭機場巴士去到機場，因為要兩小時關係，所以要咁早我會搭8:50嘅國泰機去台北，準時起飛去到當地大約11點左右，然後再由機場搭捷運去台北車站再喺台北車站轉幾個站去新北市板橋區！點知我喺車廂同一個台灣女士傾偈佢對我講話會有防空活動，1點半至兩點唔可以走出車站外邊、故此我到咗板橋站有很多巡邏人員話1:30至2:00不可以喺街上，否則會俾人拖去公安，而地鐵站內都有寫上城鎮防空演習，今次真係比較難忘嘅體驗！準時2:00就開返個地鐵站，我慢慢步行去酒店都好易搵到，原來係喺新北希爾頓酒店隔離，但係未夠三點check-in時間故此我放低行李去酒店附近一間食日本嘢。係食店叫咗一個滑蛋雞飯都幾美味！到check-in時間攞房，房間都幾好我叫佢加多兩個枕頭，因為廳Vicky講佢朋友住過話啲枕頭好軟要加高，而佢又有得睇YouTube同埋 Netflix所以都幾好，然後我搭捷運去大安區，因為我想去容錦時光打卡-入邊好多打卡位都係充滿日本feel，去完之後就見到有間食牛肉麵座位得12張，叫來了就吃見到佢有4.3粒星等咗大約15分鐘就入得，只有一個老闆負責煮同埋執枱真係本事啊！食完我覺得好味過永康牛肉麵起碼冇咁肥啲面質又好食，然後再行永康里，因為入邊有好多文青嘅店-好好行！我去咗叫「來好」買咗食物、明信片，順便寄返香港添！之後去咗一間叫8%嘅雪糕店入邊有好多人坐住，聽一位拉小提琴嘅男士拉得好好聽，我都買咗杯雪糕一邊食一邊聽好好享受啊，之後搭車返返去酒店大約9:30之前浸過浴鹽成身爽晒，咁就過咗第一日啦！

廣州三天遊-DAY 3

今日係廣州最後一日, 我就8:00左右醒左, 試美團叫點心係酒店食, 但叫左好多食唔晒($100左右), 係個送餐機械人送到上樓, 非常快及方便, 又唔駛接觸到員工, VERY GOOD(表妹話去親廣州就叫外賣(但要有送餐機構人)之後SEARCH發現我昨天想去HELLO KITTY牆身原來係我酒店二分鍾, 故此叫老公落酒店找打卡位, 好快找到, 然後再係酒店HEA大約個半小時先CHECK OUT(這間亞朶集團CHECK OUT係2:00前), 今次這問叫正佳輕居酒店, 出面環境一般, 但內裏都好新, 房間都算舒服, 最LIKE個相枕頭同冷氣好夠, 今次去廣州都熱(有成30-32度), 但冷氣好足夠, 非常好.大約12:45我地CHECK OUT, 慢慢步行去正佳廣場西區等直通巴. 架車都係去深圳灣過境, 完全沒有塞車, 大約4:30左右返到荃灣, 我地去食下午荼才返家. 晚上好夜睡.話咁快就玩左三日.

復活節假期第四天-廣州三天遊-DAY 2

今日睡到自然醒, 然後去左一間叫祿運荼居飲茶, 眼見多數係當地人去飲荼, 但價錢一D都唔平, 我地叫左4樣野都$150左右. 之後在附近有好多打卡位, 原來這裏叫做六運小區, 然後步行去時尚天河廣場行, 因為我想找一個打卡位係圍繞上海灘做主題的佈置, 打左不少卡, 然後去芋芋鮮食糖水. 之後再步行去正街, 而我就去做頭療一小時(老公就在正佳自己坐住等我), 按摩及頭療佢興趣不大喔. 我原本BOOK左一間上左去叫BASEY 美容洗髮SPA, 但上左去又話要我等一小時, 我立即走啦, 因為正佳金殿入面有好多間, 故此我問左二間最後都有, 個負責人係男仔, 等左10分鍾叫我上樓, 有個少女幫我洗, 但感覺沒有我去深圳個D咁好, 不過就$120, 我當普通洗頭啦. 然後再JOIN老公去食野, 原本想食清D(脆魚肉火鍋)但老公話食牛肉火鍋好D, 故此改左去正佳個問潮泰食牛.我地二人食左$340都唔平, 但D牛都幾好食, 然後再去酒店附近百花糖水食甜品先返酒店. 今晚都唔太夜返酒店.

復活節假期第三天-廣州三天遊-DAY 1

今早起床落樓下牛奶冰室吃早餐, 然後就步行去如心, 但我地早左半小時等一陣就上車. 今日過關唔算多人, 過完揾架車又找唔到, 最後問永東職員話去廣州可以上車我地就唔理照上車, 路途沒有塞車行高速, 大約12:30前到達正佳廣場附近, 然後去酒店放低野, 但佢話要過多半小時先有房, 故此去酒店附吃生煎包及膠粉,就返酒店. 之後返酒店就CALL 滴滴去南越王博物館, 原本BOOK左去廣州博物館, 但見討論區話海洋及恐龍區維修, 最好睇個二度都閉館, 故此立即改行程, 我成人比$10, 老公過左65歲係免費的. 南越王博物館都多野睇, 最主要係文物很贊！值得去看，但需注意南越王博物院分為：南越王墓&南越王王宮兩處，相距約兩公里。 來廣州，省博可以不去，但南越王墓博物館的《南越藏珍-西漢南越王墓出土文物陳列》必看，廣東省禁止出境展的唯二文物便在此。 結合史書記載，證實墓主人是南越國第二代王趙眛，為開國君主趙佗之孫。其效仿南越武帝趙佗自稱文帝。墓主人身着絲縷玉衣，並以珠玉斂葬，凸顯了南越文帝的身份與地位。墓中還發現有15個殉人，體現了南越獨特的喪葬文化。墓葬保存完好，出土各類隨葬器物1000多件（套），其中大量玉器、越式銅器等至為珍貴，墓主身穿的"絲縷玉衣"亦屬首見。之後我地由越秀公園站搭地鐵去公園前, 因為老公想去返上次北京路個間啫神食二人餐. 但今次係貴左成$80, 又沒有醬爆田雞改左黃饍, 但我地都有叫, 食到好飽. 然後行左一陣就搭地鐵返酒店休息了.因為老公要趕7:00左右去睇LIVE(籃球), 所以佢唔去按摩. 故此我自己步行去正佳附近的按摩店改為一. 按左95分鍾, 個姐叫林姐手勢不錯, 大家有傾有講, 加上我今次推油用THANN個精油, 所以都滿意. 晚上大約11:30睡, 明天睡到自然醒.

2025福岡獨遊-第六天

今天8:30起床, 然後行去博多車站附近一間西式COFFEE SHOP吃早餐, D食物都係唔錯, 然後經過日本郵政局立即入去買左個MIFFY袋送比VICKY, 並且買左張卡及明信片, 分別寫比亞女及我自己. 我一邊寫信一邊流淚(寫卡比亞女, 講我係鍚佢的, 唔好成日話我叫佢比家用). 之後攪掂左左約不用幾百邸費. 之後再去酒店對面買左DAISO物品及一包士多啤梨在機場食. 然後大約12:30就搭的士直接去福岡機場, 車費係$1710(HK$85)因為拿好多行李關係, 故此一定要坐的士然後去到機場都買左少少食物返香港, 之後在入閘附近吃左碗豚肉麵及一枝桃味飲品就上機, 大約7:30落機, 8:00出閘等亞仔. 因為他今日在東涌學拯溺班, 故此佢話去機場接我機陪我返屋企, 故此我不用CALL UBER/的士(可以慳番D), 大約8:35亞仔才到, 之後大家搭A31返荃灣, 叫定外賣回家吃. 之後在家休息明天放假, 又要洗衫/分手信, 因為明晚要入屯門預早吃團年飯.

2025福岡獨遊-第五天

今天都早起在酒店吃三文治及飲牛奶, 因為都你JOIN左KKDAY ONE DAY TOUR. 今日行程-日本九州福岡大分一日遊｜太宰府天滿宮・湯布院（由布院）・別府海地獄＆灶地獄（竈地獄）※贈送温泉蛋一個（中對應）. 集合時間為8:15, 8:30出發, 今天是女導遊及一架大車, 應該都有3X多人參加, 坐我後面已經是香港人, 昨天大多數係台灣人.導遊係男士. 今次女導遊好多講解, 故此比較好些.第一站去天滿宮, 都係睇景多, 在途中見到一隻大狗好可愛, 因為著上和服, 俊氣十足, 故此問問主人可否和狗狗拍照, 隻狗好熱情想我抱它, 之後又見到一隻懶洋洋的貓兒, 好CUTE.然後去左一間好有特式的STARBUCKET, 全部都用木造, 好靚及時尚.之後第二站係由布院, 風景很美, 之後食左梅枝餅, 熊本熊餅, 芝士中型冬茹, 然後去左MIFFY/飄零然/ 姆明, 士努比等店購賣物品. 我都入左D貨.因為無乜時間食主餐, 都係食蟹柳/中型冬茹及雞串等, 都有飲一枝日本酸奶, YUMMY. 然後去別府海地獄, 個池係以藍色為主, 又試食温泉蛋一個及蒸面但沒有去浸腳, 因為人太多又唔想濕淋淋, 然後再去灶地獄（竈地獄）, 這個係以紅色為主的水, 去完就返博多約6:00. 之後我地左近博多車站一間五十年歷史的居酒屋, 剛好有位, 我叫左三串燒物(金茹, 牛肉粒及牛心), 然後叫左三款刺身, 一隻燒雞翼及一隻燒大蝦, 好飽, 大約香港$150左右, 都唔錯, 全場都係日本人, 但我唔LIKE隔離個男人食煙, 乜唔係禁煙架咩? 然後回酒店執行李.在酒店都係浸浴監, 今晚比較夜睡.

2025福岡獨遊-第四天

由於我選擇第二間的酒店-博多站天座酒店(是近ONE DAY TOUR集合地點(福岡東方飯店集合)大約5分鍾超方便, 早上食昨天全家買的飯團及果汁, 今次ONE DAY TOUR是選九州熊本一日遊｜阿蘇中岳火山・草千里・熊本城・水前寺成趣園（中文對應）今日係7:45分集合, 8:00第一站去左熊本城, 但入場要比$850二個館, 但最後我都係去一個館炸, 然後就去水前寺成趣園, 食左少少小食又去亞蘇火山及草千里, 亞蘇火山都有好陣流黃味, 之後回程大約6:00. 我就找到在酒店一間燒肉店叫NIKUICHI, 由酒店步行去係4分鍾. 但我等左差唔多45分鍾才可以入到去. 自己叫左三樣食物. 牛舌/二款靚牛肉中之後再行經過夾公仔機., 然後回酒店吃桔及飲牛奶, 之後都要早睡, 因為明早集合係8:15分, 所以我又去711買左三文治牛奶當明天早餐.

2025福岡獨遊-第三天

今天早上早D起床去24小時買零食及生果, 之後放低在酒店後CHECK OUT叫酒店將行李放低稍後待食完OMAKASE再返酒店離開去另一間酒店.再出去找博多運河城, 因為在酒店附近今日要轉酒店, 故此趁未食omakase前行一陣, 睇到對鞋不用800元(SALMON行山鞋), 故此買左對(錄色及男裝), 之後再行一陣就要步行去找今早BOOK左的omakase叫sushi_soten 🔸鮨蒼天 （Omakase係博多運河城附近食咗高質又抵吃的Omakase 午餐 ，¥10,000 有12 品壽司🍣，茶碗蒸 同麵豉湯，食材非常新鮮又高質又好食，加埋師傅用心，性價比非常高，服務又十分好，3.56 分推薦大家去博多試吓。 最喜歡金目鯛同拖羅，好有魚味又新鮮，海膽真係不得了，師傅放了滿滿的海膽, 好鬼正😊，好新鲜的竹節蝦，師傅精心烹製炸得好好，蝦又鮮又甜又爽身，師傅重好細心幫我剝咗蝦頭殼，叫我連蝦頭都食埋，好美味😋 想去食又抵又好食的Omakase ，記得在官WEBSITE/tablelog/tablecheck預先預約，因為小店只有8個坐位。 首先送上蒸蛋同麵豉湯 ，之後師傅再整十二品壽司🍣給我們，師傅不懂英語，但好細心安排英文細小卡等我地知道是什麼食材。 茶碗蒸 - 蛋蛋蒸得很滑，入面有蝦很鮮味。 麵豉湯 - 正常味道 1️⃣烏賊(魷魚🦑） 2️⃣吞拿魚 3️⃣比目魚 4️⃣石首魚 5️⃣海膽 6️⃣竹莢魚 7️⃣鯛魚 8️⃣金目鯛 9️⃣竹節蝦 🔟拖羅 1️⃣1️⃣穴子 1️⃣2️⃣CAKE 剛好一小時後就離場, 主辦人就在門外拍照留念. 之後我再行多一個圈運河城, 目的找想抰『扭蛋百貨 (扭蛋專賣店)』。120坪的廣大空間裡排列著多達2,200台扭蛋機。超齊全的驚人數量，加上不知會扭到什麼的驚喜感，擁有豐富知識的工作人員，還能使用應用程式參與至今未有的扭蛋體驗。我合共扭蛋(4個), 之後就返酒店幫忙取行李後並且叫酒店幫忙CALL 的士.酒店女員工好好人, 幫忙陪我上的士. 我自己搭的士大約日元1300左右, 不用6X元係比搭巴士/地鐵貴, 但就不用拿咁多行李咁辛苦, 舒舒服服好過. 去左酒店今次間酒店沒有任何生日擺設, 但就比高樓層我(最高11樓比10樓我住). 然後我自己步行去找眼睫毛店. 因為第一日沒有得做, 我在當日MESSENG比YOUTUBER ADA FISH問佢做個間眼睫毛店, 所以第一天立即約到今日下午3:45分. 我在途中問一位男仔, 佢好好人居然帶我一齊找個間店, 起碼與我同行左十分鍾有多, 大家講簡單英語, 終於找到店舖和他合照交換我IG便離開(個男仔話附近有佢UNCLE開左間食店, 炒麵好好食)之後我上左去個女仔都幾好人, 不像第一天咁少地方, 眼睫毛大約做左一小時, 打𨳡眼不像深圳咁銀眼, 所以都幾好, 但唔似深圳咁濃密, 因為同幫我整眼睫毛女仔講我本身的眼睫毛太短, 已經好努力幫我整, 大約可以HOLD 3 WEEKS. 之後我就在博多0101睇到有行李箱, 因為我爆篋故此必需買, 而我暫時未買諗住夾下價錢及邊款好(今次想買前置式).之後又去左DAISO買左心頭好, 行到無電就去食Hamburg Conel Kitte Nagoya, 日元2500一個漢堡扒加二個薯餅, 都好美味, 好彩不用排除, 食完就返酒店了.目的係FULL MASK 及浸浴監. 之後要早D睡, 因為明後二日都JOIN左ONE DAY TOUR.

2025福岡獨遊-第二天

今早大約7:00左右起床, 因為今早訂左10:00係天神去剪𣑱頭髮, 故此落地鐵搭一個站天神南去吃早餐, 睇GOOGLE MAP附近餐廳找到一間吃包及COFFEE, 都幾好食, 然後上地面附近行行, 居然又比我找到一間關於狗的神社叫警固神社, 打左卡拍照後準時10:00前到髮型屋SCENE, 因為我早前係網上已經訂好左, 找到一個髮型師鈴木杏奈小姐, 我見小紅書好多人找她剪頭髮, 所以決定找她. 我同她說要剪頭髮但最多只係4寸左右不能太短, 之後要𣑱晒白髮,她說可以並加1000日元可以穏固髮質. 最後經二小時左右攪掂左, 我最LIKE洗頭姐姐幫我洗頭不是用指甲洗, 係內手指肉洗, 好好享受. 然後問佢有什麼推介食店, 佢話有拉麵及食雞, 最後我選擇食髮型屋附近食沾麶的叫兼虎沾麵, 店內的環境，座位不多,差不多排隊3分鐘安排入座，店員很親切推薦人氣菜單,我不辣的 #魚介豚骨沾麵中分麵量（200g）,麵體很滑溜、口感很有嚼勁，單吃有淡淡的麥香、混著芝麻香氣.麵屋兼虎的湯底是濃厚派，以豬骨、雞骨、海鮮和蔬菜熬煮到很濃稠，很適合當沾麵醬汁的稠度~看看這碗豪邁的魚粉~旁邊還有叉燒、醣心蛋, 真係不錯. 總括來說這間食店是我喜愛的一間濃厚魚介豚骨拉麵店, 等位也是值得的.食完麵就開始我SHOPPING時間, 今日主力係SHOPPING, 去左PARCO同埋MINA, 太多野關係二手加埋背包满載而歸, 最後去左天神地下街一間叫喜水丸, 話係室內中洲屋台橫丁故此食燒清魚.還能明太子花枝無限續，定食的白飯、味噌湯、高菜漬物還能免費追加！然後返酒店休息, 大約10:00先落去浸温泉大約半小時(昨天誤會温泉開到晚上9:30, 故此昨天在9:15分就離開, 見到有人去浸, 今早看清楚原來玉凌晨1:00), 所以想消化完先去浸.

2025福岡獨遊-第一天兼新曆生日

昨晚只睡左大約2-3小時, 因為4:00分就要起床, 我要搭4:20個班機場巴士. 我個行李箱都唔輕. 大約5:20去到機場, 放低行李居然剛剛好20KG, 故此我一定要買多一個行李箱32KG+有多一個HAND CARRY才可以回港. 然後想去餐廳全部都未開, 故此只好買個菜肉包加一隻茶業蛋當早餐, 之後搭無人駕駛車去, 之後搭7:45分機去福岡, 今次係我首次去SOLO TRIP, 所以有點興奮及擔心, 因為13/1個日九州有6.9級地震, 而福岡係列入九州之內, 故此希望吉人天相沒有任何事發生.我買左咖喱魚蛋加燒賣吃加檸檬茶當生日早點.搭左三小時三十分大約當地時間11:30到福岡, 之後就開始拍片及拍照, 講解我去六日SOLO TRIP, 我在當地上左架機場巴士去博多, 車程大約15分鍾內.而之後就步行揾酒店都找左成大半個小時才找到, 當地氣温大約3度左右都好凍陰天, 大約當地時間1:29分到酒店了, 但未有得取房住, 故此我問酒店員工附近是否有間明太子好出名很近, 她教我怎樣去, 我就向大門向左邊行左150米左右就找到. 我坐位置附近有幾位香港人傾計, 而我就自己選擇左一個明太子加鰻魚飯, 好大碗好多料,明太子係成條的但有點咸, 鰻魚不錯但飯我食唔晒. 之後大約準時3:00去取房, 酒店安排左高層(最高)11樓及一個用毛巾天鵝做擺設的造型及一張寫我名一張紙寫上HAPPY BIRTHDAY, 可以拍照留念, 我就用作拍片開VLOG. 雖然今日我一人往外地過生日, 或者比人感覺好悶, 但我要好好享受自己獨處六日無拘無束的生活.之後當地時間4:00我去左酒店附近的䄂社-櫛田神社, 見到有間24小時開的超市諗住第三日早上去看看有無零食去掃貨及買生果自己吃.去完神社打卡, 拍照就自己步行去博多附近找眼睫毛店, 因為BOOK左日本時間5:00去整眼睫毛, 但去到店員問我是否電眼睫毛我表示係加長睫毛, 她說這店並沒有增長睫毛服務, 只有隔離店才有此服務, 但今日沒有時間做, 最快係星期五下午4:00才有, 故此只好叫店員安排星期五, 故此我心裏有點失望, 諗住今日生日可以扮靚D慶祝生日, 但我心態唔好影響自己唔開心.故此去博多行街街SHOPPING, 去左300日元買頭飾, 因為下午食得太飽, 故此今晚去左M記食飽,薯條及飲品, 然後再搭MTR由博多去櫛田神社前落車, 但步行都幾遠, 有類似尖沙咀站行去尖東站般. 大約晚上8:15前返到酒店, 8:45落去要浸温泉, 浸左大約半小時就上水.之後好快入睡, 心理上消除了疲勞,因為今日太早起身啦, 超疲倦.