2023二個C9去韓國(DAY 6)

今天我地決定睡到9:00才起床, 之後去酒店弘大食ISSAC 三文治當早餐. 但都揾左半小時才揾到, 原來係在弘益大學對面. 之後就我地今日純SHOPPING(弘大), 去左間全藍色叫M PLAYGROUND 入面又買左二件T SHIRT.然後搭車去室內愛來魔相館, 因為入面有好多映相位, 加上天氣好熱, 故此留返係室內好D. 但我地揾左好耐都揾唔到, 最後問人大約知道在那. 所以決定去左BURGER KING食包當LUNCH, 然後先慢慢去拍照. 我地去時唔係太多人, 之後多番少少, 去低層無乜次氣都幾熱, 然後上去上層, D冷氣先好番少少. 我地去完拍照就搭車返弘大, 因為想去綿羊餐廳睇綿羊及飲野, 然後再去豬腳小姐吃DINNER. 間餐廳係地庫, 唔難找, 我地停留左大約一小時, 打下卡傾下計, 然後再去弘大旺區, 之後等豬腳小姐大組半小時就入座. 等位期間遠望原來係我地酒店不遠, 我地繞左一大個圈先找到. 所以我地沒有方向感, 不識駕車就無乜方向感. 今晚PACK好晒行李, SHIRLEY無位我比位佢放(拖板/二個化妝袋), 明天離開韓國了. 我地吃完早餐就會走去搭機場快線去仁川機楊.

2023二個C9去韓國(DAY 5)

今天我地吃完早餐, 諗住坐二個站去HOMEPLUS(即韓國超級市場掃零食及日用品), 因為會平過出面. 我醒目拿過細篋裝食物都唔夠, 我地還要用二個環保袋才可以裝好東西,之後決定將物品放係酒店, 順便排好拍照, 成張床餔滿晒. 好壯觀. 現後再搭車揾牛奶𣴯冰吃, 揾左一陣就到, 今日天氣熱, 我地叫左一個大沞冰加二杯飲品, 都處都係花, 環境好美, 之後再搭車去梨花洞壁画村, 但揾左好耐最後問人先去到, 還要行上山, 天氣又熱, 但好彩都有不少打卡位. 我地停留左這裏都有二個小時, 之後再搭車今晚去陳玉華吃雞, 但我地都等左差不多半小時才入到去.但冷氣唔勁都好熱, 食完行左東大門二間SHOPPING MALL(成橦), 但沒有收獲, 最後在街邊買左10000/7對韓國襪, 壐去埋DPP拍夜景就返酒店了.返到酒店我地又FULL面膜, 今晚睡得好D, 因為行好多好疲勞.

2023二個C9去韓國(DAY 4)

今天天氣唔好, 整日下密雨, 故此今天全程室內, 吃完早餐後, 我地搭車去星空圖書館景點,因為這裏是室內打卡勝地. 平日都係人頭湧湧, 去完我地就去埋COEX MALL入面個水族館, KKDAY有TICKET買, 可以即日買即日用, 故此我地揾到地點才在門口買TICKET, 非常方便. 入去有好多魚/企鵝及其他海洋生物等, 直情像香港的OCEAN PARK 一樣. 之後我地好遲先食飯, 所以我地是旦找一間火鍋店吃清清的食物(牛肉加茹類), 但服務及食物一般, 我地食完就行多一陣, 之後去埋另外一個景點(建大貨櫃), 拍照好靚, 但入面SOPPING MALL好少野睇, 故此我們停留大約半小時, 再步行對面有晚現代百貨(但外貌好殘)行左一陣但沒有收獲, 之後搭搭車(順路)早少少去今晚看猛男SHOW, 由於落雨關係及附近沒有SHOPPING MALL, 故此我地找間COFFE SHOP, 在這裏飲野及食野, 當DINNER 啦.我地7:30左右到SHOW, 問職員有沒有PHOTO TICKET, 佢還最後一張, 心好開心. 而整晚個SHOW有成8位男士表演, 好好睇, 氣氛好HIGH, 雖然我坐中價位罝, 但我地係中價票第一位, D男演員成日走過來, 比我地摸個胸(我模過二個唔同男演員, HIGH到爆)臨散場諗住同SHIRELY一齊上台合照, 但無人叫我地拍合照, 只有我地各自同演員拍照(因為排前都無人大合照), 好快又叫我地落台坐, 但我地之後又有人可以合照, 故此覺得溝通上有問題, 而我個心好唔開心, 一心諗住可以同咁多猛男一齊映, 但最後沒有. 但我過左一陣就沒有唔開心, 我心諗未當沒有QUOTA取唔到PHOTO TICKET LOR. 費事影響心情.之後看完我地就回酒店休息, 這幾晚都唔係睡得咁好.

2023二個C9去韓國(DAY 3)

今天都係在酒店吃早餐, 然後早點出門口去Oneday Hanbok韓服體驗租韓服(11:30),著韓服天氣好熱, 我地去左打北村, 然後再去景福宮, 還衫時大約4:00左右, 我地都玩左3個半小時(租4小時), 然後去出名的醬油蟹店叫大瓦房, 我地要等1個多小時先可以食到, 因為(15:00-17:30係BREAK), 位置在地鐵3號線安國站2號出口直行. 由於我地又熱又疲勞, 所以有得坐梗係好, 我地係第二個客人. 搭正5:30進入, D蟹好大隻, 講真, 真係好味道, 比起上次感覺今次新鲜D. 我地食左差不多個多小時離開, 又去另外一個出名麵包店諗住歎杯飲品食個甜品. 我地去左一間叫cafe onion安國店，超人氣韓屋咖啡廳,座位區有席地而坐的，也有桌椅的,但時間太晚, 只得一款士多啤梨牛角SO及二杯飲品, 我同SHILREY打下卡傾計好寫意. 而坐我地隔離有個似泰國人開緊LIVE. 幫我地拍照. 晚上搭車返弘大再番我地酒店樓下有五層高的AK SHOPPING, 買左一個頭COOL幾抵, 不用$70. 之後回酒店今晚試我地係明洞買的MASK試試好唔好用.晚上睡得比較好.

2023二個C9去韓國(DAY 2)

今天早上去酒店提供的早餐, 雖然種類唔多但都算不錯, 起碼慳番早餐錢.然後我地去找今午食燒肉地點, 原來係我地酒店大約6分鍾, 非常近, 我地又好快找到, 見到梗係又去打卡啦, 然後行LINE FRIEND/ SPAO/SHOOPEN/, 去SPAO買左對拖鞋不用HK$100, 之後幫女買左4對COLOUR CONS, 之後去弘大購物圈行, 買左二件衫比亞仔及一件我, SHIRLEY買左二件T SHIRT比老公及仔. 然後再去買銀耳環及飾物等, 之後下午3:30左右去食燒肉, 五花腩及其他肉. 之後我地搭車去明洞換韓幣及睇SHOW, 我地去果仁專門店買左D果仁, 然後就開始找亂打秀地址, 但明洞太大真係唔識點行, 最後問人先見到. 所以我地真係要向上望才找到, 我地去到都7:40分, 打左一陣卡就入場, 因為一早去KKDAY買會平直宜D, 去到COUNTER換飛. 亂打秀都幾好睇, 沒有悶場.晚上去搭車返弘大了. 今晚我地係明洞買左紫菜圈二盒每人一盒及飲果汁及甜品, 就當正餐了.今日好疲勞, 隻腳好疲勞. 睇天氣明日好天, 星期四落大雨, 故此決定明天著韓服食醬油蟹.

2023二個C9去韓國(DAY 1)

今天一早就搭車A31去機場, 然後JOIN 埋SHIRLEY去國泰COUNTER CHECKIN放行李, 然後我地去左食西式早餐, 之後就早少少入去海關, 然後打卡搭9:20分飛機, 之後大約5:00前去到酒店, 交通好方便, 因為我地由仁川機場搭AREX 搭ALL STOP就到. 之後有電梯去五號出口, 一上電梯向右行就到酒店, 超正. 之後放低行李我地找NAVER MAP去揾燒縵魚食, 由於唔識地點, 都揾左耐少少, 燒鰻魚超好食, 有人幫手燒又大條, 但收費都算貴. 之後我地行下見到DAICO, 有七層高, 故此又去行, 我買左20個ITEMS, SHIRLEY買左15個ITEMS,之後就返酒店休息, 間房比起日本大, 而打開窗個VIEW都好開揚, 冷氣又夠, 故此都不錯.