2022東京8日之旅(DAY:4)

今日天氣凍左好多, 待公主化妝後大約11:00左右去上野買PASS去輕井澤(3 DAYS PASS)但我地只去一天, 但都平過散買車票. 我地12:30去左租電動單車玩一天, 之後靠亞女用GOOGLE去雲場池, 但沒有紅葉睇, 好彩第二天在恩賜公園見到紅葉拍照.而去到第4日, 好多時都聽到香港人, 今次去輕井澤起碼見到幾PAIR都係香港人, 講真, 三年疫情真係困左太耐沒有出外了. 故此日本10月一放寬, 就好多人去日本, 加上日元低, 更加多人去掃貨添.之後我地見到有間係APPLE PIE的店, 各自買左不同口味的食及買左一盒比父母食. 然後再踏單車去聖PAUL教堂, 但沒有去石之教堂, 因為亞女話好遠, 來回要1.5小時, 故此決定唔去我地去左舊輕井澤銀座街道, 我地去左幾間店舖買心頭好, 亞女入左去全店買牛仔舖頭, 之後MIFFY我買左1X個杯墊送比同事及朋友(HK%2X)及去左SNOPPY買左東西, 好開心, 最後我地又去左輕井澤OUTLET各自行, 今次收獲比起第二天涉谷OUTLET更加多收獲. 之後我地搭火車時買左東西三文治/麵包等及零食就當一餐了.今日好疲勞了. 明天睡到9:00先起床.

2022東京8日之旅(DAY:3)

今天陰天但沒有下雨, 一早落樓下取早餐返房食, 待亞女化好妝後就出發, 但佢在途中發晒脾氣話唔見左佢去法國買個頂30週年的廸士尼頭COOL, 所以佢話要返去酒店揾, 故此我諗住我自己入去玩, 故此比左個電子門票佢自己入. 點知佢半小時又打比我問我在那, 我話我等入去搭緊無人駕駛TRAIN. 佢話在門口等佢. 之後佢攪到我頭暈暈, 所以我就又發佢脾氣話各自玩, 點知佢又哭話我玩佢. 最後我都係好心軟唔嬲佢, 大家去買公仔, 頭飾, 之後排巴斯光年差不多1小時, 然後坐船仔(二個船, 一個係像香港小小小世界, 另一個就係前後有真人駕船), 之後我地就去食野, 然後入去美人魚,咖啡杯等, 再去睇海上巡遊, 好靚又好氣氛. 之後再排去玩360度火山, 真係好好玩, 抵排1小時. 我地玩左好少野又沒有睇SHOW. 因為都係好多人又沒有拿FAST PASS, 最後亞女拿左睇煙花(可以坐地下), 晚上都係好靚, 點解我地選海洋廸士尼, 因為佢係全世界首個海洋DISNEYLAND, 所以就選佢.我地現到CLOSE門再搭車返酒店附近的璣元水產吃晚餐, 因為我地返到上野都11:30左右, 而這間食店係24小時, 所以我地叫左心頭好食到好䬲都係香港3XX多元, 好抵食. 之後返酒店休息.今日超疲勞.

2022東京8日之旅(DAY:2)

由於我訂酒店係包埋早餐, 故此我早上就落樓下選好話TAKEAWAY在房內吃, 間餐廳係IATIAN TOMOTO, 有5款選擇, 所以我就幫亞女取埋. 之後等亞女化好妝後就出發行下恩賜公園, 步行大約10分鍾, 居然比我地見到一棵紅葉, 故此就我地狂拍照.之後BOOK左去上野蟹道樂食LUNCH, 見未夠鍾我地就去隔近SANRIO又買左D得意東西, 然後食蟹道樂後我地搭車去比較新的OUTLET叫南町田Grandberry Park 超過90間為outlet店！因為今日會整日落雨, 我地就會去室內, 天氣落雨又凍, 希望明天去廸士尼唔好落雨啦. 先頭我地都一齊行, 行行下我地就各自行再相約地方等. 好彩大家買左二張東京上網卡, 方便溝通.最後我去左AS KNOWN AS買左二件冷衫及一條褲都幾抵, 而亞女買左一對布鞋, 我一對波鞋及仔一對波鞋. 之後行左幾小時, 決定去OUTLET食埋野, 無意中比我發現有間出名拉麵店-阿夫利(香港都有), 故此趁肚餓吃二碗柚子拉麵加温泉EGG及飲野, 都幾好食. 然後再搭車返酒店了.我地都係在酒店附近買零食返酒店吃, 明天都要早起去廸士尼.

2022東京8日之旅(DAY:1)

今天6:30已起床, 亞女就7:30起床, 之後佢又要去化妝, 所想搭8:30架車剛剛送車尾, 故此去左快樂峰吃早餐, 然後搭9:00巴士, 去到就9:30之後去放行李, 然後去老遠的地方上機, 見到第三跑道還是起緊. 之後準時起機. 我地沒有買劃位就隔左一個座位坐, 之後大約4小時就到. 我就在KLOOK上網買左SKYLINER來回及三日日本地鐵票. 之後去換票就搭京成鐵路就上左車, 大約40分鍾就到上野. 因為今次我BOOK左二間酒店(一間商務酒店住5晚)另一間温泉酒店就住2晚, 二間酒店只在隔離, 故此諗住試試二間酒店質素, 我靠亞女揾酒店就去到酒店, 日本酒店出店細但都開到行李箱, 樓下有LOTION/其他物品任取, 所以都算唔錯. 之後放抵行李我地就出左去搭地鐵去銀座PANDORA, 因為今日最後一日BLACK FRIDAY, 而新宿個間晚上7:00關門, 而銀座就8:00關門, 而亞女話要買日本限定的產品(她去法國/荷蘭及其他國家都有買, 佢話每個國家都有自己的產品, 一定要買來留念, 買完之後就去樓上搵野食, 居然比我揾到想食的利久牛舌, 它厚切牛舌，牛舌份量還能依照喜好選擇，配上香Q麥片飯跟牛骨湯，簡單平凡的美味真的讓我吃過就愛上吃野. 之後再去佢樓上拍照睇夜再去食牛㚫妹甜品, 然後就搭地鐵返上野酒店, 酒店附近有2-3間便利店, 我地買雪榚或甜品返酒店食.