2019二母女歡欣韓國遊-第五天

今天是在韓國最後一天, 故此我們差不多11:00才起床, 然後收搭好晒行李就12:00左右離開, 但我們的行李放在LOBBY, 因為我們搭韓國19:20機, 故此還有差不多三小時才離開搭車去機場. 故此我們步行去明洞想食ISSAC, 但原來星期日關門, 空歡喜一場, 故此在附近STUTEBUCK吃早餐. 然後再行街, 點知比我們發現在不用6000W衫, 故此叫亞女落去下面掃貨, 我買左一件, 佢買左幾件, 真係好抵.然後去明洞餃子(都好出名), 類似台北小籠包.好平, 然後慢慢步行返酒店取行李坐3:00巴士, 原來機場巴士在對面上車, 超級方面. 大約一小時到機場. 去到放低行李寄, 但個女員工成日叫我磅, 足足要我磅三次有多, 攪到我周身熱又疲勞, 激死我.然後入境, 見還有少少W, 買左個雙球雪榚坐著慢慢食等上機. 之後準時上機, 返到香港大約10:30, 然後步行搭巴士, 大約11:20到荃灣, 老公在樓下幫手拿行李.之後洗澡就睡覺, 明天返工了.

2019二母女歡欣韓國遊-第四天

今天又一早起床, 因為今天去南怡島一天團, 集合時間7:45, 故此6:30就起床了. 然後大家落樓下買早餐上車食. 原來今天有派芝士CAKE一塊及一樽水. 第一站去法國小王子村, 好多打卡位, 但只可以留一小時, 所以時間都好緊迫, 最後都睇到少少木偶表演,之後去到搭船去南怡島. 去到見到地下有雪, 故此應該昨天下雪了. 然後比大約二小時間拍照留念, 之後再搭船返去上巴士, 然後去吃下午川雞炒年榚, 然後在出面買左三款味道回港吃(試食過幾好味). 然後去最後一站玩自行車, 我同女二人一架車, 有些人玩VR(但先到先得), 我們沒有名額了.在零度的天氣下, 搭著自行車都較凍, 但沒有落雨, 雪景很美, 故此拍了不少照片(用自拍神器). 玩完大約5:30, 之後上車亞女睡覺了, 但我沒有, 大約7:30前到明洞, 然後我們就立即再去多一次大創掃貨, 今日亞女買左一大袋.然後去排左十分鍾王家妃吃韓牛, 之後再行明洞掃護膚品,最後去雪冰食多次甜品才返酒店. 明天沒有行程, 睡過夠才離開.

2019二母女歡欣韓國遊-第三天

今天我10:00起床, 但女兒懶床成11:00才起床, 之後化妝後未夠12:00左右先到景福宮, 然後找韓服店, 原本想訂KLOOK一間叫西花有團購, 可以試穿二次韓服. 但知道昨天一天團一定好疲勞, 一定好遲先離開, 故此沒有預訂, 諗住去到先決定那一間. 但眼見西花個店充滿人流, 故此選一間叫ONEDAY HANBOK韓服, 見佢普通韓服9999+5000(毛毛外套)+5000(頭飾), 故此加埋係19999(包四小時)大約港紙$134, 好抵玩.故此選這間, 因為無咁多人. 之後我同女女各自選自己心目中的韓服, 我選下身係深紫色, 上兒淺色, 亞女下身係粉紅色, 之後上樓上等人幫忙整頭飾. 然後大約12:30就開始出外拍照, 我地大約拍左三小時就還衫, 因為實在太凍(負2度), 好彩今天人流好少, 多數都可以無乜人可以做好多POST. 然後換好衫我地去搭MTR去食醬油蟹(MTR順路), 之後問韓國人就找到正確位罝食蟹. 今次係我第一次食, 都好鮮甜, 叫左大的二隻蟹, 一碟醬油蝦+鮑魚, 但感覺蟹好食些.之後食完就搭MTR二個站高速巴士站, 因為睇書好多平衫買, 故此就諗住去這裹掃貨. 我地行左大約3小時經已滿載而歸, 行到腳疲. 故此掃完就搭番車去酒店放低晒東西,在樓下BURGER KING吃DINNER便算了, 因為明天要好早起床JOIN KKLOOK 一天團去南怡島.

2019二母女歡欣韓國遊-第二天

今天我們大約7:30起床, 因為集合時間在THE PRINCE HOTEL等. 昨晚大約見到對面有個THE PRINCE應該係, 所以都大約知在那兒等候. 我自己一個落左去食早餐, 大約20分鍾上來. 8:10叫醒亞女, 因為佢要化妝等, 故此沒有吃早餐, 9:20步行去711買飯團食及飲品在車上吃. 然後大約早到10分鍾, 我去左藥房買番EVELINE買比我的潤唇膏, 然後準時上車.. 大約10:20落車轉公園車自行SCAN QR CODE入場. 今天係平日, 都不是太多人, 首先我地去睇動物先, 眼見亞女睇得好開心. 然後亞女開始玩GAMES, 我就拍佢相及MOVIE. 太刺激的遊戲我唔會玩. 之後又去食LUNCH, 然後又去拍照一下, 日頭及晚上都有睇巡遊, 感覺不一樣. 晚上有個地邊好靚, 金光閃閃, 很漂亮呢!晚上還有煙花睇, 睇到一大半我們就走, 因為擔心散場多人坐鑬車, 故此早D走. 然後我地搭番公園車去到落車處找番司機就上車. 亞女就上車睡. 大約9:30到明洞, 我地去行半小時大創掃有少少貨, 打算再去多一次.今晚原本打算食韓牛, 但最後唔比入座(10:00到, 11:00關門), 故此去附近食熱的食物, 我叫牛肉麵, 亞女叫辣麵便離開, 味道一般貨式啦.之後去SHIRLEY介紹及書介紹, 香港銅鑼灣都有的甜品屋食甜品, 晚上成差不多1:00才睡, 因為明天打算睡到10:00才起床.因為明天是我們我自由時間.

2019二母女歡欣韓國遊-第一天

今天都如常早起, 之後大約8:20去RETURN COFFEE吃ALL DAY BREAKFAST+ COFFEE, 然後回家, 大約9:00叫醒亞女起床. 之後準時10:00一齊拿行李搭A31到機場. 去到大約未夠11:00, 然後放低行李及同女女吃早餐. 之後早些入境及比女在機場玩自拍. 準時上機我地搭1315韓亞機. 有包23KG行李+餐飲. 又有電視睇都幾好. 先前經EXPENDIA幫忙已經劃好去程及回程機位都係坐窗口位. 大約當地時間5:30到. 然後去GU25便利店買TMONEY及加錢. 之後出去找機場巴士. 找到6001便可以. 大約1小時10分就到達我們住的酒店-TMARK GRAND HOTEL, 我地住4晚. 然後放低行李就步行去找明洞, 大約10分鍾就到, 我地一邊看衫, 一邊想找食店, 但點知食完街上小食唔見到亞女.佢就打電話找我, 一聽到我電話就破口大駡我唔理佢, 我最唔LIKE佢成日毫不留情地用粗口話我, 完全唔尊重我, 令我好無尊嚴. 我內心好唔開心, 女又係咁, 仔又係咁.點解佢地要咁對我. 我自問對父母好好,好尊重佢地, 點解我D仔女是這樣呢? 之後待亞女心情好(她去左買護膚品), 之後大約10：00去找到一間有人話好食的炸雞店食, 我地叫左二款味道, 一個普通炸雞味, 一款有醬汁辣辣的味道, 二款都好食, 但食唔晒拿走, 但返到酒店都好飽, 都此最後放棄沒有吃, 要掉了. 我大約12:30才睡, 明天行程JOIN左KLOOK愛寶樂園一天門票+來回交通, 每人都係280.00(六折左), 所以都幾好.