2018大阪之旅第六天

今天大約8:30起床, 之後去黑門吃早餐, 我地只叫左一盒拖羅, 2000日元好肥美, 之後再食海膽, 都好好味, 然後就自己買左一隻生蠔食, 好好味, 之後去左一間買零食的買左三兄弟及其他食品, 抵過機場.然後返酒店收好行李便起程買PASS去OUTLET, 但找INFORMATION CENTRE要問人. 之後買左二套由難波去OUTLET. $1000現金卷及OUTLET返機場PASS$1700), 之後去租放行李箱店舖, 然後行去OUTLET想找換領現金卷找來找去都找不到, 個人好蚊.最後先找到, 去左GAP買左件外套比亞仔, 然後行行, 買左個背包, 腰包, WHATSAPP比YVONNE佢居然叫我幫佢買.然後就去吃LUNCH, 最後去TIGER買左對桃紅色波鞋, 好抵, 大約香港$300. 之後去機場居然沒有超重, 再去買埋芝士CAKE及哈密瓜CAKE/ROYCE等就上機, 時間剛剛好, 返到香港左約10:20等取行李, 去還WIFI EGG就各自走(EVELINE搭機場MTR轉的士, 我就搭巴士), 大約11:30回家.回家洗澡後對好仔功課才睡, 明天放假但應該好忙.

2018大阪之旅第五天

經過昨天整日落雨, 今天陽光又出現啦. 今天係用第二天的周遊卡, 我地第一站去大阪城, 個景好靚但都好熱, 然後再去搭車, 原本想搭帆船型遊船(聖瑪利亞號), 但揾來揾都找唔到點搭船, 並且要搭成一個鐘, 唯有放棄, 去搭天保山大摩天輪, 今天陽光普照, 拍照一流, 然後去行入面商場, 我就買左二個背包, 一個返工用, 一個大可以去街用, 二個款都係狗, 之後去吃豬扒飯, 好好味又出名. 然後返心齌橋去埋搭船仔道頓堀水上觀光船), 有個老女人介紹, 又叫我地拍手及唱歌, 好正.然後返日本橋放低野去YOUTUBER介紹吃我海膽壽司/TUNA及燒魚, 真係不錯.之後返酒店收搭行李, 因為明早去完黑門就去OUTLET, 搭晚上7:15分機回港.

2018大阪之旅第四天

昨天天氣好, 今天剛好相反, 天氣報告已講今天天氣會落雨, 故此才改行程日期. 今天我地10:00前去到大阪生活今昔館, 我們係第一輪, 我地梗係著多次和服, 但忘記束起頭髮呢. 今次無得選, 只有幾件比我選擇(可能我肥沒有SIZE), 之後玩左一個小時, 我們就步行去天然溫泉浪速之湯, 但由於雨勢好多, 成對鞋都濕晒, 故此在超級市場停留順便吃埋我們今早買的飯團作小食. 趁細雨才步行去浸溫泉, 我們就覺得用周遊卡FREE都不失為一個好去處, 最開心我D PERIOD未來可以浸溫泉又可以玩多一個景點呢! 之後整日都萿雨, 我們就去第三個周遊卡景點動物園, 由於落雨關係都無乜人去, 而動物園唔係好大, 睇見D動物都好可憐添.然後就行左一圈就走, 之後去通天閣樓下拍照便算(因為只可以星期一至五入場(用周遊卡), 今天星期日不可上去. 然後返去梅田去左行街街及買左C字頭個手袋, 我同EVELINE都有收7, 之後搭HEP FIVE(終於沒有落雨但窗好多雨水啦), 我們去完想去埋梅田空中庭園展望台, 但心想落雨都睇唔到夜景故此放棄了直接返酒店, 之後我地去左磯丸吃蟹殼/燒魚及汍立貝, 好好味啊.

2018大阪之旅第三天

今天係去奈良, 臨出發梗係要去食蟹, 因為吃下午平晚上好多. 我去我酒店斜對面個間蟹道樂, 座位選免跪坐和式桌子, 因為唔想坐到唔舒服. D蟹好好味又夠飽. 然後搭MTR去奈良(昨天及今天都要由MTR轉去JR), 去到奈良大約步行十分鍾, 見到好多鹿, 我自己買左個鹿餅去餵鹿, 而EVELINE就唔餵, 之後拍照,行行寺廟等又到傍晚, 我們決定去奈良吃晚餐, 我們選左去吃鰻魚飯及一個牛肉烏冬, 之後就我們行多一陣先返去JR站再轉去日本橋. 奈良感覺好鄉下, 好寧靜.我都好LIKE.晚上返到心齌橋決定去藥妝掃貨.我地去激安有成七層, 大約12:30才返到酒店, 好疲勞.

2018大阪之旅第二天

今天都好早起床, 昨天去左711買左牛奶及飯團吃當早餐, 然後在難波轉車, 好彩我DOWNLOAD左一個日本APP, 係教人車站對車站, 所以跟住就無死. 之後在轉車處要去NG NG(可能D奶令到拉肚子), 去到京都又要轉巴士去清水寺, 因為我BOOK左11:00著和服. 然後要用GOOGLE MAP找到崗本和服(在斜路上), 然後選衫, 佢話我要選5000日元個款, 因為我SIZE要大, 而EVELINE選4000無乜選擇, 故此都係選5000, 加埋頭飾5500未加稅, 然後著完大家出去拍照成為1500二張相. 諗住各人一張. 之後我地步行清水寺, 但外表裝修, 我地都不斷拍照, 大約拍到2.5小時, EVELINE話好熱, 要換衫才去祇園地方. 我地買左一天京都巴士, 搭三程回本, 去完祇園買左D梅就又去找金閣寺, 但去到已經唔比入4:50, 5:00關門, 故此有點兒掃興, 搭番車去京都轉車返心齌橋, 因為今晚BOOK左去食松阪牛(昨天沒有吃YOUTUBER介紹個間善放題), 因為EVELINE想吃精巧些, 故此唔食放題, 準時8:00到松阪牛, 我地叫左個五款拼盤加一碟牛舌, 二杯汔水, D牛質好好食, 故此都好開心.之後我們就去買藥妝, 然後返酒店, 因為好疲倦, 明天不用咁早起, 因為明天早上BOOK左去去蟹道樂11:30當早午餐, 然後再去奈良餵鹿.

2018大阪之旅第一天

今早起床後, 我未夠8:00就去搭車, 搭到8:08分車, 我早EVELINE少少到機場, 之後JOIN埋一齊就去拿WIFI, 因為我們分別去唔同WIFI公司訂, 故此各自去取. 然後CHECK 完後就出境後去吃早餐, 然後就等上機. 去到機場又要找地方買難波特急車去難波, 去INFORMATION CENTRE買等急車票及二天周遊卡,之後轉一個站就日本橋. 第一次去好似八爪魚咁款, 故此CHECK IN大約5:30. 然後就去行心齌橋一蘭吃拉麵, 然後就行左一會兒返酒店, 因為今天都疲勞, 明天又要去京都, 因為明後二天天氣好, 將原本去周遊卡行程調轉左.